चीलको प्रतिविम्बसहितको ‘विचित्र’ तस्वीर

क्यानेडियन फोटोग्राफर स्टीभ बायोरो एक सौखिन फोटोग्राफर हुन् । उनले हालै एकदमै अद्भुत देखिने विचित्र फोटो खिचेका छन् । करिब १० वर्षयतादेखि फोटोग्राफीका काम गर्दै आएका बायोरोले पहिलोपटक जीवनकै सार्वोत्कृष्ट फोटो खिचेको बताएका छन् । उनको यो फोटोले अहिले विश्वभरि नै चर्चा पाइरहेको छ ।

यहाँ एक चील पखेटा फैलाएर पोखरीमाथिबाट गइरहेका बेला उनले यो फोटो खिचेका हुन् । उनले यो फोटो मे ४ का दिन क्यानडाको एक निकुञ्ज भ्रमणका क्रममा खिचेको कुरा क्यानेडियन सञ्चारमाध्यमलाई बताएका थिए ।