‘कोहलपुर एक्सप्रेस’हेर्न कलाकारहरूकाे भिड्

नायिका केकी अधिकारीले पहिलो पटक निर्माण गरेको फिल्म‘कोहलपुर एक्सप्रेस’अभिनेत्री करिश्मा मानन्धरले हेरेकी छन् । आइतबार हात्तिसारस्थित जय नेपाल हलमा केकीले बनाएको फिल्म हेरेपछि करिश्माले भनिन्,‘फिल्म रमाईलो छ ।’

श्रीमान विनोद मानन्धर, छोरी कविता सहित‘कोहलपुर एक्सप्रेस’हेर्न पुगेकी करिश्माले केकीलाई राम्रो फिल्म बनाएकोमा बधाई पनि दिइन् ।‘फिल्म नयाँ किसिमको रैछ । मलाई चाहिं रमाईलो लाग्यो । अझै चलोस केकीलाई शुभ कामना छ ।’

चलचित्र निर्माता संघका अध्यक्ष तथा निर्देशक आकाश अधिकारीले‘कोहलपुर एक्सप्रेस’ नसोचेको फिल्म रहेको प्रतिक्रिया दिए ।‘फिल्म भनेको मनोरञ्जनात्मक नै हुनुपर्छ । कोहलपुर एक्सप्रेस रमाईलो बनको छ ।’कलाकार जितु नेपाललाई चाहि नायिका केकी अधिकारीको भूमिका मन परेछ ।‘सामान्य कथामा पनि अब्बल अभिनय र कमेडी पञ्चहरुले फिल्म राम्रो बनेको छ’जितुले भने ।

प्रेस सहितको विशेष शोमा नायिका तथा निर्मात्री श्वेता खड्का, नायिका वेनिशा हमाल लगायत अन्य फिल्मकर्मी उपस्थित थिए । विशाल भण्डारीको डेव्यु निर्देशन रहेको ‘कोहलपुर एक्सप्रेस’ मा केकी सहित नायिका प्रियंका कार्की, ऋचा शर्मा, बुद्धि तामाङ, रविन्द्र झा, कशाग्र भट्टराई लगायतका अभिनय छ ।