गुपचुप बिहे गरेको विषयमा प्रियंकाले खोलिन् मुख

अभिनेत्री प्रियंका चोपडाले गुपचुप बिहे गरेको खबरले यतिबेला बलिउडमा ठूलै हलचल भएको छ । उनको एक तश्बिर देखेपछि सोसल मिडियामा यस्ता खालका अन्दाज लगाउन सुरु भएको छ । 

खासमा, प्रियंका हालैमात्र असममा टूरिजम प्रमोट गर्न पुगेकी थिइन् । त्यहाँबाट उनको केही तश्बिर बाहिर आएको थियो । एक तश्बिरमा उनको हातमा एक ब्रेसलेट देख्न सकिन्छ र यो ब्रेसलेटलाई मानिसहरुले मंगलसूत्र सम्झिएका छन् ।

यसपछि उनले गुपचुप बिहे गरेको अनुमान लगाउन सुरु भएको छ । तर, यस्ता खालका हल्ला सुरु हुन थालेपछि प्रियंकाले एक ट्विटमार्फत् अहिलेसम्म आफूले विवाह नगरेको स्पष्ट पारेकी छिन् ।

उनी लेख्छिन्, 'यो एक ब्रेसलेट हो ।' अचेल धेरै गृहणी महिलाहरु मंगलसूत्र गलामा लगाउनुको सट्टा हातमा बाँध्ने गर्दछन् । यसैले उनका प्रशंसकले पनि प्रियंकाले गुपचुप विवाह गरेको सम्झिए ।